လွတ်လပ်မှု နှင့် ကဗျာ
နူကလီးယား ထုတ်လုပ်မှု
ပြောရင်း ပြောနေရမည့် အချစ်အကြောင်းပါလေ။
ရာမ နဲ့ ရာဝဏ က စ
သီဝိ နဲ့ ဝေသန္တရာ အလယ်
ရိုမီယို နဲ့ ဂျူးလီးယက် အဆုံး
ဇာတ်တော်များထဲမှ အချစ်အကြောင်းပါလေ။
ရနံ့ ၊ အတွေ့ ၊ အလှ ၊ ပညာ
ရင်း ချင် တိုင်း ရင်းခဲ့ကြရရာ။
ပေးဆပ်မှုဖြင့်လည်းကောင်း
ရယူမှုဖြင့်လည်းကောင်း
တပ်မက်မှုဖြင့်လည်းကောင်း
ခွဲခွါမှုဖြင့်လည်းကောင်း
မသိမှုဖြင့် လည်းကောင်း
သိမှုဖြင့်လည်းကောင်း
ထိုအချစ်သည်ကား
ဖြစ်ချင်တိုင်းဖြစ် ၊ ချစ်ချင်တိုင်းချစ်
စသဖြင့်ပေါ့လေ
အဓိပ်ပါယ် အမျိုးမျိုး
စသဖြင့်ပေါ့လေ
ကိုယ်လည်း သိပ်သိတာမဟုတ်တော့
စသဖြင့်ပေါ့လေ
ဒီလိုပါပဲ အချစ်အကြောင်းပြောကြ
မချစ်တတ်ချစ်တတ်ချစ်ကြ
ချစ်နိုင်သမျှ ချစ်ကြ
ချစ်တတ်သမျှ ချစ်ကြ
ချစ်နေကြရသော ထိုအချစ်ကား
မည်သူမျှ မဖြေရှင်းနိုင်သော
ပု စ္ဆာတစ်ပုဒ် ဖြစ်ကောင်းမည်ဟု
အဓိပ်ပါယ် ကောက်ဖြတ် ချမည် ဆိုက
မမှား သို့သော် မမှန်
အမှန် ကား မသိ
တကယ် ချစ်၏
လုံလောက်ပါဘိ။
----------------------------------------------------------------------------------------------
ချစ်ချင်း
ချစ်မှန်းမသိ
ချစ်မိသွားရာ၊
ချစ်မိတော့
မခွဲနိုင်တော့ပါ။
လွမ်းခြင်း မုန်းခြင်း
ချစ်ခြင်း ပဒေသာ၊
အမှန်က
သိရခက်ကြီးပါ။
 |
| http://msfrankel.com/student work/Gallery |
ရင်းယူခဲ့ရာ ၊ အချစ်မူကား
မပျော်လည်းရှိ ၊ ပျော်လည်းရှိ၏
ချစ်သည်ဟူသာ ၊ အမိပါဟု
ဆိုလိုဆိုငြား ၊ ထိုစကားကား
ဟုတ်လိမ့် ဟုတ်လိမ့် ၊ သိမှတ်ခြိမ့်ဟု
ရှာသူကား
ချာချာလည်ပြီသာ။
မသိ အသိ ၊ အထိ အရှိ
စုံစီ နှစ်ဖာ ၊ ထိုအရာကား
မရှိလည်းကောင်း ၊ ရှိလည်းကောင်းဟု
ဆိုဖန်သော်ငြား ၊ ၀မ်းတွင်းချစ်ချင်
စိတ်သခင်က ၊ တားဆီးမနိုင်
ချစ်ချင်ပြန်သည် ၊ သည်ခါမည်လေး
အချစ်ရေးသည် ၊ ဘာလဲတစ်မုံ့
ချစ်မိတုံရာ ၊ မခွဲခွါဟု
သခင်မှတ်ချက် ၊ ခတ်နှိပ်ပြန်သည်၊
သူ့အပြုံးဖြင့် ၊ ဆွဲခါလှုပ်နှိုး
အူနှလုံး
ယောက်ယပ်ခတ်ပြီသာ။
(ထိုစဉ် ကျွန်ုပ် နဖူး သို့ အနမ်းတပွင့် ပြေးကပ်လာ၏)
အချုပ်ဆိုရသော်
မမှား သို့သော် မမှန်
အမှန် ကား မသိ
တကယ်ချစ်၏
လုံလောက်ပါဘိ။ ။
(စိတ်ကူးပေါက်ရာ တစ်ခုကို လုပ်ထားခြင်းဖြစ်ပါသည်
မျက်လုံး သော်လည်းကောင်း စိတ်သော်လည်းကောင်း
တစ်စုံတစ်ခု အနှေုာင့်အယှက် ဖြစ်သွားပါက နူးညွတ်စွာ
တောင်းပန်အပ်ပါသည်)
ထွန်းနွယ်
No comments:
Post a Comment