မုန့်ဟင်း(ခါး)

ဘယ်သူ စစားသလဲ
ဘယ်မှာ ဆုံးမလဲ
အိုးဘဲဥ အစရှာသလို
ဘာကြောင့် စားခဲ့တာလဲ
ဘာနဲ့ စားမလဲ။
အလွှာစုံနဲ့ စားမယ်
သူတောင်းစား ကနေ
သူဌေးသား အထိ
ပြာတာ ကနေ
အာဏာရှင် အထိ
ခါကာဘိုရာဇီ ကနေ
ကော့သောင်း အထိ ။

အစ်ကို ဘယ်ကလဲ။
ဝေးတယ် ညီလေးရာ. . .
မွေးကတည်းက ဆိုပါတော့
မွေနေ့၊ ကျောင်းရှေ့၊ ဈေးရှေ့
အလှူ၊ မင်္ဂလာဆောင်
ဘာသာ ဘာညာတွေ
လှုပ်လှုပ်ရွရွတွေ ရှေ့။
(ဘာနဲ့ စားမလဲ)
ပျော်ပွဲ၊ အသုဘ
နေ့ည ဥတုသုံးပါး
ဧရာဝတီမြစ်ကြီးတောင်
ဟင်းရည် ပူပူဖြစ်ဖူးတယ်။

http://www.richartsofasia.com/blog/

စစ်ပွဲတွေ၊ အဓိကရုဏ်းတွေ
သဘောတရား
ခံယူချက်နဲ့ ကွဲလွဲမှုတွေ
ဌက်ပျောအူနဲ့ ကြက်သွန်ဥနီတွေ
ပျက်သုန်းခြင်းနဲ့ အစပြုမှု. . .
မုန့်ဖတ်နဲ့ အဆာပလာတွေ
စီးနေတဲ့ခေတ်နောက်
ထမ်းလိုက်ခဲ့တာ
ဘုရားခန်းကနေ
အများသုံး သန့်စင်ခန်းနားထိ
ကြွေပန်းကန်၊ ငွေဇွန်းတပ်ကနေ
ချိုင့်စုတ်၊ စတီးဇွန်းအထိ
အိပ်စ်စပို့ကနေ
လမ်ကြို လမ်းကြား အထိ
ရောဂါဘယ စစ်ဆေးခြင်းကနေ
အဆုံးမဲ့ သုံးသပ်ချက်အထိ
တော်တော်များများကတော့
ငါးနိုင်နိုင်ပြုတ်ဖို့နဲ့
ဆီနိုင်နိုင်သတ်ဖို့ပဲ။

ဧည့်ခန်းကနေ
ဆိုင်ကနား လမ်းဘေးအထိ
ဘူး၊ ပဲ၊ အကြော်စုံ
လိုက်ဖက်ရာ ကြိုက်နှစ်သက်ရာ နဲ့
အဆာပလာ၊ အချဉ် အငံ
အရည်၊ အသုပ် ၂၄နာရီ
ခရီသွားတွေ စားသုံးနေ
ဦးဇင်းတွေ ဘုန်းပေးနေ
အပြစ်သားတွေ ဘုန်းပေးနေ
ဘုရားစင်ကနေ
အရက်သမား မနက်စာ
အဆာပြေစာ၊ တနေ့လုံးစာ
တယောက်စာ၊ တမိသားစုစာ ။

မှတ်မှတ်ရရလား..
မကောင်းဆိုးဝါးကို
ဟင်းရည်အဆစ် ပေးဖူးတယ်
ကြောက်ကြောက်လန့်လန့်နဲ့
နှစ်ခြိုက်စွာ စားသုံးလေ့ ရှိကြသည်။
ချက်ပုံချက်နည်းရိုးရှင်း
စရိတ်စက ပါး
မြန်မာလူမျိုးတိုင်း
နှစ်သက်သောကြောင့်
လူမျိုးဘာသာ မရွေး

* ရန်ကုန်မုန့်ဟင်းခါး
* မြောင်းမြမုန့်ဟင်းခါး
* ပုသိမ်မုန့်ဟင်းခါး
* ဘိုကလေးမုန့်ဟင်းခါး
* ဟင်္သာတမုန့်ဟင်းခါး
* ဖျာပုံမုန့်ဟင်းခါး
* အင်းလေးမုန့်ဟင်းခါး
* တောင်ငူမုန့်ဟင်းခါး
* ရခိုင်မုန့်ဟင်းခါး (အာပူလျှာပူ)
* ထားဝယ်မုန့်ဟင်းခါး
* တပင်တိုင်မုန့်ဟင်းခါး အထိ။

ကုန်ဈေးနှုန်း အတိုင်း
မြန်မာလူမျိုးများ
ရောက်ရာအရပ်အထိ
ကိုယ်တိုင် ကိုယ်ကျ
ကျောက်စာ၊ ပေစာများဖြင့်
မှတ်တမ်းတင်ခဲ့ခြင်း မရှိသဖြင့်
မည်သူတစ်ဦး တစ်ယောက်ကမျှ
အရေးတယူ မှတ်တမ်း တင်ခြင်း
မရှိ(ခဲ့)သော. . . .
မြန်မာ့ရိုးရာ အစားအစာကို
ဆန်လှော်မှုန့်၊ နံနံပင်၊ ပဲသီး
ခရမ်းချဉ်သီး၊ ရှောက်၊ သံပုရာ
အချဉ်ညှစ်ပြီး ပူပူနွေးနွေး
စားသုံးနိုင်ပါတယ်.. ခင်ဗျား။ ။

အူသောင်