ငါ့ရင်ကို ထိအောင် မလင်းကြဘူး
ဪ.. သူတို့မှာ သံစဉ်မှ မရှိကြတော့ပဲကိုး။
အခုတလောမှာ ဆောင်းကလည်း
ငါ့ရင်ကို ရွှဲရွှဲစိုအောင် မအေးမြဘူး
ငိုသံတစ်ဝက် ရယ်တစ်ဝက်နဲ့
ဆောင်းအိပ်မက်တွေ ခါးလွန်းလို့ တဲ့။
 |
| nahidrains.wordpress.com |
ငါ့ရင်ကို မပျော်မြူးစေဘူး
အလေ့ကျပေါက်တဲ့ ဒီရုပ်ရည်လေးနဲ့
အသည်းကွဲနေရလို့ တဲ့။
အသစ်တဖန် ဖြစ်မြဲဖြစ်နေပြန်တဲ့
နေ့ရက်တွေအကြောင်း မေးကြည့်တော့
မောင်သိန်းဇော်က
"လောကကို ရွှေဖြစ်အောင်
မပြုံးနိုင်တဲ့အဆုံး
နေလုံးလည်း ကွယ်ပြီ. ." တဲ့။
မပြောရဲတော့ပါဘူး အိပ်မက်ရယ်
နှင်းတစ်ဝက် မြူတစ်ဝက်နဲ့
သံသရာ အဆက်ဆက် မှုန်ဝါးအောင်
မင်း သိပ်လှတာပဲလို့။
ချမ်းညီချို
No comments:
Post a Comment