မျှော်လင့်ချက်နဲ့ အသက်သွင်းထားတဲ့လူ

မြေ၊ ငလျင်လှုပ်တယ်။
ရေ၊ ဆူနာမီလာတယ်။
လေ၊ မုန်တိုင်းတိုက်တယ်။
မီး၊ အကုန်လောင်တယ်။
ဓာတ်ကြီးလေးပါး လွန်လွန်းတယ်။

ကားတွေ၊ လူတွေ
နားကွင်းတွေ၊ အရုပ်တွေ
သောကကို မြင်ရဲ့လား
လောဘကို မြင်၍ မရပါ။

`အမေ ကိုယ့်ဘာသာ သတ်သေသွားတော့
ကြောင်လေးကိုပါ သတ်သွားတာ
အထီးကျန်နေမှာ စိုးလို့ပါ´

သေခြင်းကို ညည်းညူနေရမယ့်အစား
သေလိုက်တာမှ ပိုကောင်းသေးတယ်။

Knives (1981-82) - Andy Warhol

အပြုံးများ၊ အရီ များ
မျက်ရည်များ ဟာ
သဘာဝအရ ပါလာတာ
မျက်လုံးလဲ ဆေးတယ်
မျက်လုံးလဲ အေးတယ်
များများ ငိုပါလေ။

ရီမောတယ် ဆိုတာ
ရီ ပြီး မော ရတာ
ငိုကြွေးတယ် ဆိုတာ
ငို တာ ကြွေး ထားလို့မကောင်းတာ
ဖာသည် ဆိုတာ
ဖာ ပေးတဲ့ အသည်
ဟာသ ဆိုတာ
ဟာနေ တာလေးတွေ သ ထားတာ

ဆိုတော့ကာ
ကဗျာဆိုတာ
က ရင်းနဲ့ ဗျာပါဒတွေ များနေရ
မှာပဲပေါ့....

ဟုတ်လားလို့ မေးတော့
ဂိုဒေါ့ဟာ ခု ရောက်လာမယ်
ခဏနေ ရောက်မယ်
ရောက်ချင်မှလည်း ရောက်မယ်တဲ့။

စာဖတ်သူကိုလဲ အားနာပါတယ်
`ငါ´ တောင် ခု ပျောက်နေတာ
`ငါ´ တောင် ခု တစ်လုံးမှ မပါသေးတာ
စကားမစပ်
ဘာကို ရှာနေတာလဲဟင်?

...................

ဒါဆို ဆောရီးနော်
ဒီအပိုဒ်ကို ခင်ဗျားတို့ကို မပြနိုင်ဘူး

xxxxxxxxx
xxxxxxxxxxx
xxxx
xxxxxxxxxxxxxx
xxxxxxxx။

နောက်ဆုံးတော့
နာရီသံဟာ ၁၄ ချက်တိတိ ထိုးလိုက်တယ်
ရေအိုးဟာ ခွမ်းကနဲ
လူတွေဟာ အားကိုတကြီး စောင့်မျှော်နေတုန်းပဲ
မီးခိုး ထွက် မထွက်။ ။

ထွန်းနွယ်