နေရာတွေ ပြောင်း၊ လူတွေ ပြောင်း
အချိန်တွေ ပြောင်း . . .
ငါ. . . မဟောင်းသေးဘူး
ဋ္ဌာန်ကျကျ ကရိုဏ်းကျကျ
ဖိုလေးထိုးရင်း မီးလေးလှုံရင်း
တခါတလေ ပြောဖြစ်တယ်
ချိုပေါ့ကျ ဘဝများ၊
ပြဒါးကျဲနေသော ဘုံရန်သူများ၊
ကြိုးချည် ကြိုးဖြုတ်နဲ့. . .
ကြိုးခလုတ်များအကြောင်း
 |
| Give Me Colours - Ben Heine |
ကဲ. . . ကျေးညီနောင်၊ ယုန်နဲ့ လိပ်လောက်နဲ့
ဘဝထင်ပြီး ဘဝင်ခွေ့နေတဲ့ အမောင်
ကာလနဲ့ ဒေသကို ပန်းပု မထုတတ်သရွေ့တော့
'ငါများလား မသိခြင်း' စည်တော်ကြီးတီး
ပြန် ပြန်မြည်ဟိန်းကြည့်။
မူးနေရင်လဲ ထူမ
မထူးတော့လဲ မထူးပြီမို့
မထူးရုပ်ကြီး အသက်သွင်းပြီး
မထူးဇာတ်ကြီး ခင်းကြစို့။
တားထားတဲ့စည်း၊ ပိတ်ထားတဲ့ တံခါး
လှမ်းမိတဲ့ ခြေလှမ်းများနဲ့
ရပ်ပိတ်နေသော ရုပ်ပြောင်းရုပ်လွဲများအား ချော့မြှူဖို့
ဋ္ဌာန်ကျကျ ကရိုဏ်းကျကျ
ဖိုလေးထိုးရင်း မီးလေးလှုံရင်းပေါ့။ ။
ယိုဒါရှီးမား
No comments:
Post a Comment