26/04/2010

ဖယောင်းလေဟုန်စီးခြင်း

ဆောက်တည်ရာမဲ့ လွင့်မျော
မျော. . မျောနေလိုက်တာ
ဟို. . . အဆုံးမရှိဆီသို့
ညိုကြင့်ကြင့် မီးတောက်မီးလျှံများ
ငါ့ရဲ့ အသွေးအသားများအား
ခါးသက်သက် လောင်မြိုက်ကြ။
http://mmmlele.wordpress.com
တိမ်ပေါ်တိမ်ဆောက်
တချွတ်ချွတ်လျှောက်နေတဲ့
မီးခိုးတန်းနောက် ငါလိုက်ခဲ့ပြီ။
လိမ္မော်ချိုသကာ အနားသတ်လို့
ဆိုကဗျာ တေးညည်းသွဲ့ပေမဲ့
အစပ်အဟပ် မတည့်တဲ့
အလင်္ကာပျောက်တလက်ပေါ့
ငါပုန်းလျှိုရာ. . ကွန်းခိုရာတိုင်း
ငါ့ရဲ့ အချိန်ဇယားတိုင်း
မင်း အာဂုံဆောင်ပြီး ဆိုက်ဆိုက်ကြီး ရောက်လာခဲ့. . .
'ပြေးမယ်ဆိုကာမှ တည့်တည့်တိုး'
ဒီအဖြစ်မျိုး ရိုးတယ် လို့ ခင်ဗျား ခေါ်မလား? ? ?
အသက်ရှင်ရင်း အသက်မဲ့နေခြင်းကို
ကြောက်တယ်. . .
တွန်းလှန်ငြင်းဆန်ဖို့ အာစေးကပ်နေခြင်းကို ကြောက်တယ်. . .
'မေးထူးခေါ်ပြော' နဲ့ 'သူ မဖဲ့ခဲ့ရင် ငါ မပဲ့ခဲ့ပါဘူး'
ထပ်တူကျနေခြင်းသည်
မိမိကိုယ်ကို တပတ်ရိုက်မှုတခုသာ ဖြစ်သည်။
သို့ေ သာ်. . . .
'ဆက်ရန်ရှိသည်' များ မကျန်ရစ်ခဲ့စေလိုပါ။ ။




ယိုဒါရှီးမား

No comments:

Post a Comment