လူကြီးလူကောင်းများဖတ်ရန်အတွက် ကဗျာမှာ စကားလုံး အလုံးရေကန့်သန့်ချက်ရှိတယ်။ ဒီကဗျာမှာပါတဲ့ စကားလုံးအရေအတွက်ဟာ လူကြီးလူကောင်းဖတ်ဖို့အတွက် သတ်မှတ်ချက်ပဲ။ လူကြီးလူကောင်းများဖတ်ဖို့ ဖြစ်တဲ့အတွက် ဒီကဗျာထဲမှာ အနိမ့်စားတွေပါမှာမဟုတ်ဘူး။ အားလုံးဟာ လန်ထွက်နေမယ် ပြန်ထွက်နေမယ်။
ဒီကဗျာဟာ ချမ်းသာတဲ့ကဗျာ အဖူးအညွှန့်တွေ ခူးစားနိုင်တဲ့ကဗျာ. . လက်လုပ်လက်စားများဖတ်ခွင့် မရှိတဲ့ ကဗျာ. . ပင်လယ်ဘီအီးနဲ့ ရောသောက်လို့မရတဲ့ ကဗျာ. . ဖက်ကြမ်းဖွာပြီးဖတ်လို့ မရတဲ့ ကဗျာ။ ဒီကဗျာထဲမှာ နေ့ပြန်တိုးနဲ့ ဈေးရောင်းနေတဲ့ ဟင်းရွက်သည်မပါဘူး။ ငါးဆယ်တန်ဘတ်စ်ကားမပါဘူး. . . အို ရှင်းရှင်းပြောမယ် နှစ်ရာတန်အထူးကားလည်း မပါဘူး။ တက္ကသိုလ်ဘွဲ့ကို ဘ၀နဲ့လဲပြီးယူတဲ့ သူဆင်းရဲမလေးတွေ မပါဘူး။ ဆန်ကြမ်း မပါဘူး။ ဘေထုပ်သည် မပါဘူး။ မာဆက်လည်း မပါဘူး. . မာစွပ်လည်းမပါဘူး။ ဆဲရေးတိုင်းထွာတာ မပါဘူး။ ကလူ၏သို့ မြူ၏သို့ မပါဘူး။ ဟစ်ဟော့ပ်သီချင်း မပါဘူး။ မော်ဒန်ရော့ခ် မပါဘူး။ လုံးဝအသန့် လူကြီးလူကောင်းတွေ အတွက်။
ဆိုတော့က. . . သည်ကဗျာကိုဖတ်ဖို့ ခင်ဗျားစစချင်း လက်အုပ်ကလေးချီရမယ်။ ဖိနပ်ချွတ်ရမယ်။ ဒီကဗျာထဲခင်းထားတဲ့ ကော်ဇောက သိန်းငါးဆယ်လောက် တန်တယ်။ အနွေးထည်ထူထူ ၀တ်ဖို့ လိုမယ်. . သည်ကဗျာထဲက လေအေးပေးစက်က တအား အေးတယ်။ ခင်ဗျား ခြေဖျားမထောက်နဲ့. . အမျိုးသမီးဆိုရင် ထောက်မြင့်ဖိနပ် မစီးနဲ့။ ကဗျာထဲမှာ လေယာဉ်ပျံတွေက နိမ့်နိမ့်ကလေးလည်း ပျံလေ့ရှိတယ်။ သည်ကဗျာထဲမှာ အီးမပေါက်နဲ့။ ကွမ်းတံတွေးမထွေးနဲ့။ ဆေးလိပ်မသောက်နဲ့။ ဂျင်းဘောင်းဘီအပြဲ မ၀တ်နဲ့။ ဒူးမနန့်နဲ့။ လိင်မဆက်ဆံနဲ့။ ကဗျာထဲမှာ စားစရာတွေ တွေ့တဲ့အခါ လက်နဲ့ ကောက်မစားနဲ့။ အကျီစနဲ့ လက်မသုတ်နဲ့။ ကဗျာထဲကို လာမယ်ဆိုရင် တက်ခ်စီနဲ့ မလာနဲ့. . ဆိုက်က္ကားနဲ့ မလာနဲ့. . လမ်းလျှောက်ပြီးမလာနဲ့။ တိုက်ပုံဝတ်ပါ။ ရင်ထိုးတပ်ပါ။ ပုဆိုးချက်ပြုတ်မ၀တ်ရ။ လယ်ကတုံးကြယ်သီးမှာ အနည်းဆုံးစိန်တစ်လုံးပါပါစေ။ လက်ကိုင်ဖုန်းတွေ ပိတ်ထားပါ။ ဒီကဗျာအ၀င်ဝမှာ အလံရောင်စုံသေးသေးလေးတွေ ထောင်ထားတယ်။ အမှိုက်တွေရှင်းထားတယ်။ တွေ့သမျှအပင် ထုံးသုတ်ထားတယ်။ ယာဉ်ထိန်းရဲတွေအများကြီးရှိတယ်။
ကဗျာဟာ စကာင်္ပူကို နေ့ချင်းပြန် သွားချင်သွားမယ်. . ဒါ့ကြောင့် ငွေလုံလုံလောက်လောက်ယူခဲ့ဖို့ လိုမယ်။ ကဗျာဟာ ချမ်းသာလွန်းတော့ သူ့ကိုယ်သူတောင် ကွန်ကရစ်တွေ ခင်းပြစ်ချင် ခင်းပြစ်လိမ့်မယ်။ ကဗျာဟာ လန်ဘိုဂီနီ စီးချင်စီးမယ် ရိုးရွိုက်စ် စီးချင်စီးမယ်။ ဘဏ်တွေ ဆီဆိုင်တွေ ကောက်ဖွင့်ချင်ဖွင့်မယ်။ ကျွန်းတွေခုတ်ချင်ခုတ်မယ်။ ဘာမှ ၀င်မပြောနဲ့. . .
ဒါဟာ. . . လူကြီးလူကောင်းဖတ်ရန်အတွက် ကဗျာ။ ဒါပေမယ့် စိတ်မကောင်းစရာ. . . တကယ့်ကို စိတ်မကောင်းစရာ။ သည်ကဗျာကိုဖတ်ရန်အတွက် လူကြီးလူကောင်းဟာ လွန်ခဲ့သော နှစ်အတော်အသင့်က ကံတော်ကုန်ရှာပြီလို့ သိရတယ်။ ဘာပဲဖြစ်ဖြစ် ကဗျာမှာ လူကြီးလူကောင်းမျာဖတ်ရန်အတွက် စကားလုံး အလုံးရေ ကန့်သန့်ချက်ရှိတယ်။ ခင်ဗျားဘက်က သည်ကဗျာကို အထက်ပါအချက်အလက်များနဲ့ ကိုက်ညီအောင်မဖတ်နိုင်ဘူးဆိုရင် ပြစ်ဒဏ်အနေနဲ့ တံတွေးတစ်ချက်တော့ ထွေးခဲ့ဖို့ လိုမယ်။ ကဗျာရဲ့ နောက်ဆုံးစာကြောင်းပုဒ်မ ဘေးမှာ. . .
ခင်ဗျားအပါအ၀င် ရဟန်းရှင်လူများထွေးရန် စိန်စီသော တံတွေးခွက်။
ဖိုးခွား
No comments:
Post a Comment