ဤစာသည် ကဗျာတစ်ပုဒ် မဟုတ်သော ညပိုင်းအစီအစဉ် တစ်ခုသာ ဖြစ်သဖြင့် သတိထား၍ ဖွင့်ဖောက်ပါ။
သင် မကြိုက်မနှစ်သက်သော အရာများ ဖိတ်စင်ကျလာနိုင်ပါသဖြင့် ထိရှနိုင်ပါသည်။
ခေါက်ဆွဲထုပ်စား လုပ်သားပြည်သူများအား သီးသန့် အသုံးတော် မခံနိုင်ခဲ့သော် ဖန်တီးသူတွင်သာ တာဝန်ရှိပါသည်။
သတင်းအစုံအလင်မှာ~
မိမွေး ဖမွေးတိုင်း ဖားလောင်းများမှ အမိတ အဖတ ဖားတပိုင်း ငါးတပိုင်းဘဝ ကြားခံ၍ မိပျောက် ဖပျောက် စားဖားများသို့ အသွင်ပြောင်း။
အော်ဟစ်တိုင်တောရင်း ဘဝသစ်တွေ၊ သွေးဟောင်းများ စစ်ကြောထုံးသုတ်ရင်း သွေးသစ်တွေ ပလပ်စတစ်ထူထူလောင်း၊ မာရေကျောရေနဲ့ ရေရှည်ခံဖို့
ခက်တာက မဝေခင်တည်းက ဆွေးလေတော့ ဝေလည်းဆွေး ကြွေလည်းဆွေးပေါ့။
ကွန်းခိုနေဝင်စရာ မရေရာသူ ဆိုသော်လည်း တခါက နေမဝင် အင်ပါယာ လို ခမ်းနားတဲ့ စိတ်ကူးတွေနဲ့ ရယ်ပါ။
ဘာဖြစ်ဖြစ် ကုန်းကောက်စရာ မရှိတောင် အကျမနာအောင် ပုံစံစနစ်တော့ ထား၊ ဒါလဲ နေမဝင်တွေ တာစားသာသွားတဲ့ အကြောင်းအချက်ပဲ မဟုတ်လား. . .
စိတ်၏ စေစားရာသို့ နည်းပညာကောင်းမှု အကြောင်းပြုလို့ ကိုယ်နဲ့ နှုတ် ဆောင်ကြဉ်း
တယ်လီပတီလား၊ တယ်လီ ပလီလား? ?
ဟုတ်ကဲ့. . . .ဒီတခေါက်တော့ အကယ်ဒမီရှော့မှ ရိုက်မလို့
ဖြစ်ရပ်မှန်ဆိုတာ အသက်ဝင်မှ
(ေ#ာက်ပဲနဲ့ ဆိုပေါက်က ဆဲပေါက်နဲ့ေ#ာက်ပိုချည်း)
ခိမ်တွက်လေဖြတ်နေတဲ့ မောင်တွေ. . . မတိန်နဲ့၊ ကိန်သာ ကိန်လိုက်ကြ။
မိုးလေဝသဂြိုဟ်တုက ပေးပို့တဲ့ ပုံများအရ
လေထုဖိအားသိပ်သည်းရာ အလယ်ပိုင်းရပ်ဝန်းဒေသများမှာ ပြောမပေါက် စကားမိုးများ ရွာသွန်းရန် ရာခိုင်နှုန်းများပါမယ်။
ပင်လယ်အော်မှာ ဗဟိုပြုတဲ့ မုန်တိုင်း အင်အားကောင်းပြီး ကုန်းတွင်းပိုင်းသို့ ဝင်ရောက်လာနိုင်၍ ရင်လှေလူး ကမ်းမမြင်နိုင်ရန် အလားအလာများရှိပါမယ်။
မသိမြစ်အထက်ပိုင်းတွင် စိုးရိမ်ရေမှတ်အနီး ရောက်ရှိနေမှုကြောင့် မသိရေစီးကမ်းပြိုခြင်း၊ မသိမြစ်ရေလျှံခြင်းများ ဖြစ်ပွါးနိုင်ပါတယ်။
နှင်းငွေ့၊ မြေငွေ့၊ ရေငွေ့ အကုန်ပါတယ်။ နာဇီဆိပ်ငွေ့နဲ့ ဓာတ်ပြုခံရတာ
ဒီလိုနဲ့ သဲနန်းတော်ကြီး ပြိုလဲခဲ့ရ
လှိုင်းကြီးကာ လေထန်တော့ သမိုင်းတွေ တောင်မှမြောက်သို့ စီး
မြစ်ဧရာလဲ ဆိုတီးရန် ဂီတရှားခဲ့ပေါ့။
ဒါကြောင့် ကိုယ်တိုင် မီး မလောင်ပဲ မီးလောင်ခြင်းကို အားပေးရန်
အောက်စီဂျင်တော့ ကူ၊ လေကောင်းကောင်းလဲ ရှုရဖို့
အတိတ်နှင့် အနာဂတ် မသိချင်နေပါ
အချိန်မရပ်သရွေ့ ဒီရေလည်း တက်ဆင်းနေအုံးမှာပါ
ခွေးသည် ပစ္စုပ္ပန်၌ ရှိ/ဖြစ်/လုပ်သော ကြိယာဖြစ်သည်။
ဒီတော့ လူသူထူထပ်ရာ ရက်များမှာဆို ပြောဟောလိုက်ကြ
လူလှိုင်းစီးလို့ လူကြီးဖဝါးအောက်ရောက်
လူရင်းနှီး(ကျွမ်းဝင်/ မြှုပ်နှံ)ရင်း တမူးရှိလို့ တစ်ကျပ်ညောင်ရေသွန်းကြ
တည်ဆောက်ရင်း ဖြောင့်မတ်ရင်း ပွတ်တိုက်ရင်း ကွေ့ကောက်
ကပ်ကြ၊ ခွါကြ၊ ကပ်ခွါကြ
ဆက်စပ်တွဲဖက်လိုက်ကြ
ရောနှောရင်း အယူ/ မူတွေ ကွဲလိုက်ကြ
လူကိုထုပြီး ထောက်ရင်း ခံခိုင်းလိုက်၊
ယိုင်ရုံနဲ့ မပြီး. . . ပြည်လုံးကျွတ်အောင် ကိုယ်ကြိုက်ရာ
ရွေးလိုက်၊ ကောက်လိုက် အဟောင်းတပတ်လဲတွေ စိုက်ပျိုးကြ
နောက်မနက် ဝေလီဝေလင်းမှာပဲ ကားပိုင်းရှည်သီးများ ရိတ်သိမ်းလိုက်ကြ
ဘာတွေ ဘယ်လိုဆိုဆို သမိုင်းဆိုတာ အောင်နိုင်သူက ထွင်းသတဲ့
ဒီလိုနဲ့ ပေါက်ပေါက်ဖောက်ရင်း Pop Artများ အသက်ဝင်ခဲ့သယောင် ဆေးခြယ်ခြစားရာသီပေါ်များ ဈေးကွက်ပေါ်/ ဖော်ခဲ့တယ်
ရိုးသားစွာ မရိုးသားဖူးခဲ့သော်လည်း မရိုးသားမှု တွင်းနက်ကြီးမှ ရိုးသားမှု အရိုင်းတုံးလေးများ တူးဖော်သန့်စင်
သက္ကရာဇ်များ ဖြိုခဲ့သော်လည်း လက်ရှိတော့ ငါများနှင့် ရေခဲမြစ်မှာ အမြစ်တွယ်ရင်း ဖြတ်လမ်းဂြိုဟ်ကြီး ဖျားနာခဲ့ရ
အမှတ်တံဆိပ်များ ခတ်နှိပ်၍ အမှတ်တံဆိပ်များ သုံးစွဲရင်း စားသုံးသူသာ အမြဲမှန်ခဲ့ပါတယ်
ဝယ်ပြီးပစ္စည်း ပြန်မလဲသဖြင့် ကိုယ်ထူလို့ ကိုယ်ထလိုက်ရင်း နောက်လှည့်ပြန်ရန် မဖြစ်နိုင်တော့ပါ။
အသစ်တဖန်ယုံကြည်မှုအတွက် ကိုယ့်အားကိုယ်ကိုးလို့ အသစ်တဖန်မွေးဖွားလိုက်သဖြင့် နောက်လှည့်ပြန်ရန် မဖြစ်နိုင်တော့ပါ။
ဘဝ၊ ဘဝများသို့ ရည်စူး၍ စံနက်တံများ ဖြစ်ကြ
ဝါဒနဲ့ ဓန တံတွေးခွက်မှာ နာရင်းဖျားရင်း၊
တဘဝစာ ပက်လက်မျောရင်း. . . ငရဲသားများ ခေါင်းဖော်ခဲ့ကြ။
လေတိုက်ရင်း၊ ပန်းကြွေရင်း၊ ဝတ်မှုန်ကူးရင်း ပါပဲ။
ကွင်းလယ်မှာ ဖန်တီးကစားပြခဲ့ကြ
ရင်သပ်ဖွယ်ရာ ဟန်ပန်များ၊ ရှုမမောရန် နည်းနာများနဲ့
မရေရာခြင်းတွေ ကန်တင်ရင်း လူ၊ ငွေ၊ အချိန်ကျွံခဲ့
တင်လိုက် တိုက်လိုက်၊ ဆင်လိုက် ဖျက်လိုက်၊
ပျက်လိုက် လိုက်လိုက်၊ မျော/လျှောထိုးလိုက်နဲ့
သယ်ဆောင်/ရောက်ရှိရာ မည်သို့မည်ပုံပင် မသိလိုက်ရပေါ့
သို့သော် ခရာတစ်မှုတ်ဆို ဒိုင်ပွဲရပ်
အချိန်ပို မပါရင် မတန်ဘူး၊ အနိုင်/အရှုံး တစ်ဖက်မှ မကပ်ပြန်ရင်လည်း ရင်မခုန်ဘူးလို့ ဝေဖန်လေကန်
အ ရင်တော့ မှန်မှာပဲ။ ဒါ ခင်ဗျားပြောတဲ့ အမှန်ပဲ မဟုတ်လား
++မီးဘေးအန္တာရာယ်++
မီးယပ်နဲ့ မီးဖိုချောင်ကိစ္စ ထည့်မတွက်ရင်
မီးကိုးကွယ်ရာ/ မီးနေသည် အစပြု
မီးခတ်ကျောက်နဲ့ မီးမွှေး/ မီးခြစ်ဆံနဲ့ မီးပျိုးရင်း
မီးကုန်ယမ်းကုန်ရှို့လို့ မီးခိုးကြွက်လျှောက် လောင်စား
မီးကျိုးမောင်းပျက်ခဲ့ မီးစဉ်ကြည့်ကခဲ့ရ
မီးညှပ်နဲ့ မီးညှိမီးပွါးရင်း၊ မီးတုတ်ကို မီးပြင်း ပြန်တိုက်ရင်း
မီးကြွေနဲ့ အနားတွန့်များအား တိုက်ထိုး
မီးအုပ်ဆောင်းနဲ့ အပူတိုက်၊ မီးပြောင်းနဲ့ မီးမှုတ်ရင်း
မီးလျှံမီးတောက်များ အရှိန်ညီးညီး မြှိုက်ကျွမ်း
မီးပုံပွဲတွေ ကျင်းပ၊ မီးကျည်မီးပန်းတွေ ပစ်ဖောက်
မီးခံပြား၊ မီးခံအုတ်နဲ့ မီးခံဗိသုကာများ မီးခိုးတိတ် ခြိမ့်ခြိမ့်သဲ
မီးပုံးပျံတွေ လွှတ်တင်လို့ မီးစာကုန်ဆီခန်းခဲ့
မီးကပ်မီးချိတ်နဲ့ ငြိမ်းခတ် မီးသင်္ဂြိုလ် အဆုံးသတ်
ယခု သင် မြင်ဖတ်သိနာကြားရသမျှသည် မိုးလုံးပြည့် မုသာဝါဒများသာ ဖြစ်သည်။
ရပ်နေ့ သတင်းအစီအစဉ် ဤတွင် ကြေညာလို့ ပြီးပါပြီ။
တွေ့လား. . သတင်းတောင် ကြေညာတတ်ရင် အထာကျပါတယ်။
ဟာ. . . ဒီဂေါက် လာဖောက်နေပြီ။ ခေါ်ပြီး ဖျောက်ပလိုက်စမ်း. . . .
ယိုဒါရှီးမား
